طفل عايز يشتري معجزة .. قصة رائعة جداً ........

من طرف **maro magdy** السبت 21 سبتمبر 2013, 2:21 pm

طفل عايز يشتري معجزة .. قصة رائعة جداً ........

دخل طفل فى الخامسه الى الصيدليه وقال للصيدلى : دى كل الفلوس اللى معايا وعايز اشترى بيها معجزه ؟ اندهش الصيدلى وسأله : عشان ايه انت عايز معجزه ؟ ومين اللى وصفهالك يا حبيبى ؟ اجابه : الدكتور قال ان امى مش هتشفى الا بمعجزه وانا بحب امى اوى وعاوزها تخف , اعمل معروف ساعدنى ؟
قال له الصيدلى : ياريت الدوا عندى كنت اديتهولك ببلاش لانك بتحب امك كتير , دوا امك موجود بس عند يسوع , روح الكنيسه وقول له هو بيحب الاطفال وبيسمع لهم ,
ركض الطفل مسرعاً الى الكنيسه ودخل ووقف امام شخص المصلوب عند الهيكل وقال له : انا عارف انك مصلوب وبتتوجع ومش فاضيلى بس الصيدلى قال لى دوا امك " المعجزه " عندك , انا بحب امى كتير , ودى كل الفلوس اللى معايا حوشتهم عشان اشترى عجله , هاديهم لك واوعدك اجى واساعدك عشان تنزل , اعمل معروف بسرعه , لم يلق الطفل اجابه من يسوع , فصرخ ب عالٍ : لو مش هاتساعدنى مش هنزلك وهاروح اشتكيك لامك العدرا , ولما لم يسمع اجابه بكى وراح يتوسل ليسوع : انا عارف انك بتحب امك العدرا وانا بحب امى ساعدنى واعطينى الدوا " المعجزه " ومش هتأخر وهارجع واساعدك وانزلك , سمع الكاهن الحديث وصراخ الطفل وقال له : يسوع بيسمع كل شيئ من غير ما يكون ك عالى , بس رده مش بالكلام , خدنى بيتكم , اخده الطفل للبيت وفى الطريق اخبره انه يحب امه كثيراً وانها كل شيئ فى حياته وانه حزين لمرضها واوجاعها وهى بالسرير لا تغادره مطلقاً , وصلوا البيت ودخلوا غرفه الام ووجدوا السرير فارغاً فصرخ الطفل بهلع : امى , عندها ركضت الام من المطبخ واحتضنته وقالت له : حبيبى , بيسلم عليك الطبيب اللى شفانى وبيقولك هو كمان بيحب امه كتير .. انت عرفته من فين يا حبيبى ؟ هنا تدخل الكاهن وقال للطفل : شفت اهه من غير ما يتكلم سبقنا وعمل " المعجزه "14.10.201313:24:05