هتسافر وتسيبني لمين

انهارده هتكلم معاكم في موضوع مهم اوي انا شخصيا حسيت بيه
مش منقول من حتي
ده واقع بيوت كتير عايشين فيه
اول حاجه مشهد رومانسي جدا
الخطيب ممسك بيد خطيته ويدور الحديث التالي
دي كلها سنه يا حبيتي ما اديكي شايفه انا اعد بقالي اد ايه ومتبهدل انتي مش عايزه اننا نتجوز ولا ايه
سنه واحده
الخطيبه تنزل
دمعتين بس هتوحشني اووووي
ترجع لي بالسلامه يا حبيبي
وعديت السنه وجه الخطين واتجوزا وخلفوا كمان ولد واتنين
ويتكرر المشهد باسلوب مختلف
تجلس الزوجه علي طرف السرير ظهرها للزوج وهو يحاول يحايل فيها ويقولها كلها سنتين مده العقد دي فرصه كويسه اوووي ومش هعرف اجيب الفلوس دي هنا في 10 سنين
الزوجه هتسبني لوحدي
انتي مش لوحدك معاكي العيال وانتي بمليون راجل
وكمان ماما واخواتي معاكي وانا هنزل اجازات وهي فتره العقد وبس
توافق علي مضض
ده بيحصل في بيوت مصريه كتير اووووووووووووووووووووي
وفيه كمان زوجات بتسعي لجوزها لفرص عامل خارج البلد
طبعا بيمر الوقت والسنتين بيجوا اتنين وهكذا
ومع الوقت تتحول الزوجه الي ام مضطربه لحد ما مقصدش مجنونه بس علي طول قلقانه

الفلوس هتكفي الفلوس خلصت هيبعت امتي بقي قلقانه غير القلق من الناس والوحده
ده بقيت الزوجه الي هي في الاول والاخر ام كمان
االزوج بقي دايما بيحس انه بيتعب وان مراته مش مساعده وانها مسرفه وبتصرف كل فلوسه
مهما حوشت فهي مبزره وبتغالي في طلبتها
طبعا جمع الفلوس الي عايزها بس ميقدرش ينزل لانه اخد علي العيشه والفلوس
المهم انه كمان اب



في وسط الدايره دي في الاولاد
اولاد ملهمش ذنب في حاجه غير انهم اولادهم
الام هيبقي كل كلمها عن الفلوس وبابا بعت ومعيش ومش هيكفي
مترحش ومتجيش ومليون لا
واي غلط تقوله بابا هيزعق هيجي يضربك
الاولاد هيشفوا ان الاب ده عباره عن ماكنه فلوس
عايزين يا بابا كذا وكذا وابعت لكذا وكذا
هينزل اجازه هيفرحوا بيه اوي ابويا جه
بس مش هيعرفوا ايه ابوهم
هيكون فيه خلافات واختلاف في الطباع ولما كل واحد يتعود تكون طايره الاب مستنيه
ويمشي
محدش فكر ان الاولاد دول بيكون من العسير عليهم انهم يعرفوا معني كلمه امان
حنان الاب بيترجم عندهم لفلوس
دايما حاسين ان نقصهم حاجه
القدوه غايبه
بتكون جواهم فجوه كبيره
واحساس بالقلق اتربوا عليه الوحده هي حياتهم

انا بنصح لوججه الله
كل بنت مقبله علي الجواز او زوجه جديده ويحصل السناريو ده
ارفضي
اشتري راحتك وراحه اولادك
يا تسفري معه وتكوني وياه
يا تدفعي بقيت عمرك كدا
عايزه تفاعل من البنات الي اتربوا بعيد عن ولدهم شعورهم ايه وافكارهم ايه
والستات الي ازوجهم في الخارج يقولو احساسهم ايه


مستنيه ردودكم يا احلي اعضاء واتمني الموضوع يعجبكم

حمدالله علي السلامه يا باشا وبجد وحشتينا والموضوع جميل جدا ويارب تفضلي بقي معانا