هل يوجد حب حقيقي تحت سن ال18 سنة

من طرف **ramy** الأربعاء 02 أبريل 2008, 12:42 am

هل يوجد حب تحت سن ال 18 سنة ولا ده تخريف والحب الحقيقي بيبتدي من سن كام لو ده غلط ؟

من طرف زائر الثلاثاء 10 مارس 2009, 4:30 pm

لالالالالالالالالالالالا

من طرف زائر الثلاثاء 10 مارس 2009, 4:33 pm

ولو ود بيبقى حب حسى وليس حب يوادى الى الزواج

من طرف **مينا وديع** الثلاثاء 07 أبريل 2009, 7:19 pm

اة الثقافة دى يا باسم
انا معاك فى رايك يا بوب

من طرف زائر الثلاثاء 07 أبريل 2009, 7:23 pm

دة حاجة من الى اتعلمناعا منك

من طرف nemo0o0o السبت 18 أبريل 2009, 7:50 pm

احب ارد على العضو(بوب)
انت قولت لا مش فى حب تحت سن 18 سنة
احب اقولك ان فى ناس انا اعرفها حبت وهيا عندها اقل من 16 سنة وكملت مع بعض ومخطوبين دلوقتى ومن كنيستنا كمان
يص
اولا-انت لو جد فى علاقاتك مع البنت دى اكيد هتكمل لو اتخطيت كل المشاكل
ثانيا-فين ربنا فى علاقتكم؟؟؟؟ربنا هو الية بيسهل كل امر بيمجد اسمه حتى فى الحب
ثالثا-لو انت عاوزها بجد وعاوزها ام لاولادك مش واخدها تسلية صدقنى هتلاقوا نفسكوا متمسكين ببعض بجد وربنا لازم يكون موجود فى اى قرار هتخدوة
شكرا واسفة انى طولت عليكوا
ريم Very Happy

من طرف زائر السبت 18 أبريل 2009, 11:15 pm

ريم انتى ممكن يكون نص كلامك صح بس النص الناتى مش صح
العلم بيقول يا ريم ان الحب الجاد بيكون من سن 18 للبنت و21 للولد
ودى نظرية علمية
وحياتية
وبعدين لو حصل ووجد علاقة نجحة فهى بنكون نسب قليلة اوى

وياريت تسجلى نفسك ريم فى المنتدى

من طرف nemo0o0 السبت 18 أبريل 2009, 11:21 pm

انا مش فاهمة اسجل نفسي فى المنتدى
ولا اسجل اسمى بريم فى المنتدى

من طرف زائر الأحد 19 أبريل 2009, 2:17 am

اقصد سجلى نفسك فى المنتدى

من طرف توتة الثلاثاء 12 مايو 2009, 12:05 am

قليلة اوى الحلات الى بتنجح فى السن ده لاننا مش بنكون ناضجين كفايه عشان نختار صح ده حتى بقى موضوع صعب فى سن الجامعة عشان طول مده الارتباط الى بتخلى الاهل يرفضوه

من طرف زائر الثلاثاء 12 مايو 2009, 12:28 am

يا ريت يا توتة تسجلى نفسك فى المنتدى

من طرف **ramy** الثلاثاء 09 يونيو 2009, 10:31 am

شكرا اوي يا جماعه علي مشاركتكم وسوري يا باسم انت ومينا انا شايف ان راي ريم صح وانا من رايها والحب مالوش سن معين والعلم اللي انت بتكلم عليه ده مش معصوم من الخطأ

من طرف **مينا وديع** الخميس 11 يونيو 2009, 9:11 am

الاختلاف فى الرأى لا يفسد للود قضية
انا هقول راى خاص بيا انا
انتى يا واد يلى عندك 18 سنة وبتاخد مصروفك من بابا
تقدر تتجوز ازاى لو هنتكلم بجد
هتقولى دة حب
الحب اللى مش اخرة الارتياط لازم بيختم بعياط
البنت بتفكر بقليها الاول مش بعقلها
لكن ان البنت تبتدى تحب من سن 18 سنة دة معقول ومقبول
لان طبيعى ان البنت يتتجوز وهى صغيرة فى السن
بس تحب مين
مش ولد من سنها 18 19 سنة لا
والا لو الولد دة وهما دخلين الجامعة مع بعض
ريح سنة يبقى لازم الجواز هيتاخر سنة
يعنى بدل ما يبقوا 24 هيبقوا 25 لو فرضنا ان كل شى جاهز
وعلى فكرة كل ما قترو التعارف بطول كل ما الولد بالذات بيذهق
والجوزات الفشلة كتير بسبب الموضوع
اما يا ريم بخصوص كلامك عن اللى حبوا بعد ومهما 16 سنة
فكان حبهم قدام الكل بعلم الكل واباء اعترافهم هما اللى كانوا بيرشدوهم
وياريت نبقى عارفين وجود ربنا دة حقيقى ولا احنا اللى بندخلة بمذاجنا علشان نمشى الامور على هوانا
ودة يتم من خلال اب الاعتراف
انا عارف انى طولت عليكم بس معلش
ويا ريت محدش يزعل من رائى

من طرف MaAoo الأحد 26 يوليو 2009, 4:58 pm

مع احترامى للجميع بس انتوا مابتفهموش فى الحب لان الحب مش مربوط بعلم يا استاذ باسم ولا له علاقه بالسن والاهل والنجاح والسقوط والبنت والولد يا استاذ مينا الحب انك تلاقى الانسان اللى يقدر يفهمك ويتقبلك ذى ما انت الحب انك تحس بالشخص الى بتحبه الحب انك تحب بجد من قلبك مش من عقلك وعلمك وحساباتك الحب مايعرفش سن الحب بيخاطب الاحساس بالقلب وعلى فكرة المسيح قال احبوا بعضكم بعضا من غير ما يقول بعد18سنه وعلى فكرة ريم اتكلمت عن موضوع متكرر مش حاله شاذه علشان تهاجموها ويا استاذ رامى حب وقت ما تحس بالحب من غير ما تفكر فى السن المهم يكون حب صادق مش لعب عيال وعلى فكرة العيال مش بالسن فيكم ناس كتير عدت العشرين ولسه عيال وكل واحد عارف نفسه

من طرف **مينا وديع** الثلاثاء 28 يوليو 2009, 12:16 am

اولا شكرا جدا يا باحث على ردك ومشركتك واهلا بيك وسط ولاد دميانة
اسمحلى ارد عليك بشكل اكتر موضوعية
انا من عدتى انى احتر الرائ المقابل واتبادل معاة النقاش
حضرتك شايف ان الحب لايرتبط باى عوائق ولا تؤثر علية العوامل
اللى زى (السن والاهل والنجاح والسقوط والبنت والولد) ماشى انا موافق معاك جدا جدا
ولكن تقدر تقولى اية الفرق بين حب الحيوانات وحب البشر
اسمحلى ارد
العقل اللى فى الحب مش العاطفة لان الولد او البنت تحت سن 18 كل اللى بيفكروا فية هو حب الشهوة والميل الطبيعى للجنس الاخر
اما الحب العقلانى او كلام المطق بيقول ان العقل هو الصفة المميزة للانسان عن الحيوان فى علاقاتة وتصرفاتة
والحب من التصرفات دى
فتخيل احنا بناقش تصرف انسانى لعقل غير كامل الاهلية
فكما يميل الانسان اللى الجنس الاخر عن طريق ما نبررة بالقلب يميل الحيوان ايضا
ولكن الفرق العقل
النقطة الثانية
طريق الحب الصحيح هو الذى ينتهى النهاية المسيحية الصحيحة وهى الزواج
دة لو زى ما احنا بتكلم على حب صادق
يبقى ازاى مش هتقف فى وشة العوامل اللى اتذكرت قبل كدة
هرجع تانى وااكد اننا بنكلم عن الحب الصادق
النقطة الثالثة
انت قولتان الحب هو انك تلاقى الانسان اللى يقدر يفهمك ويتقبلك ذى ما انت الحب انك تحس بالشخص الى بتحبه الحب انك تحب بجد من قلبك مش من عقلك وعلمك وحساباتك
ازاى بئة ممكن تلاقى الانسان اللى يفهمك وانت اصلا تحت 18 لسة مش عندك القدرة او كونة شخصيتك المتقلبة ودةة مش كلامى دة كلام علم النفس ان الانسان لحد 18 سنة بيكون فى فترة المرهقة وبيكون متذبذب
وازاى تفرق بين الحب والاعجاب
ودى انا هستنى ردك فيها عليا
النقطة الاهم والاخطر اللى انا مش عارف ازاى انت اتكلمت فيها بمتهى البساطة
وهى انك قولت ان المسيح قال احبوا بعضكم بعضا من غير ما يقول بعد18سنه
واسمحلى انى اعتبر دة خطأ غير مقصود منك
لان المسيح اما اتكلم عن الحب ما اتكلمش عن حب الارتباط بل اتكل عن المحبة بصفة عامة ما بين كل الناس مش حب العاطفة
والنقطة اللى ضدك فى هذا الموضوع ان الكتاب المقدس ما اتكلمش خالص عن حب العاطفة
بل انة كل ما يتكلم عن حب الشهوة
كان دايما اخرة خطية
وامثلة كتير
وفى العهد الجديد لم يذكر اية واحد تتكلم عن الحب العاطفى
با كان يتكلم عن القواعد المؤسسة للاسرة المسيحية من سر الزيجة وانجاب الاطفال وتربيتهم
وهذا يؤكد كلامى ان الكنيسة تعترف بالحب النقى الذى يكون فى اخرة اسرة مسيحية تعبد المسيح وليس الشهوة والميل للجنس الاخر وهذا الحب لن يتم اللى من خلال اشخاص عقلاء اسويائ ليهم القدرة على التميز والشخصية الثابتةوليسة المتذبذبة

اما عن الذين قوف العشرين ومازالو مراهين فانا معك فيها ولكن لا يجب ان نعتبر هذا هو الاصل بل انهم لم يعيشوا المراهقة فى سنها الطبيعى ويحاولوا ان يعيشوها فى وقت متأخر
انا عارف انى طولت عليك ورغيت جامد بس كلامك هو اللى خلانى اكتب دة كلوا
اخوك مينا وديع

من طرف MaAoo الخميس 30 يوليو 2009, 7:43 pm

اولا عفوا جدا يا استاذ مينا ومن غير زعل طالمل طلبت نتكلمك بموضوعيه خليك قدها
1:-انت قلت على لسانى انى شايف ان الحب لايرتبط باى عوائق ولا تؤثر علية العوامل
اللى زى (السن والاهل والنجاح والسقوط والبنت والولد) بس انا ما قلتش كده انا قلت ان الحب لا له علاقه بالسن والاهل والنجاح والسقوط والبنت والولد مش ما بيتاثرش بيهم بس كونى حبيت ده مش معناه انى لازم ادرس الاحتمالات الاسوا بالنسبه للنجاح والسقوط وبيعدين يا اخ مينا لو انت بتحب بجد خليك راجل يا اخى وذاكر كويس علشان ما تريحش سنه وتاخر ميعاد الجواز
2:-بالنسبه للفرق بين حب الحيوانات وحب البشر فاسمحلى انا اللى ارد لو عايز تتناقش بجد
اولا:الحيوانات ما بتتصرفش بالعاطفه لكن بالغريزة وده فيه فرق كبير لان العاطفه موجوده عند الانسان مش الحيوان وده بالعلم
ثانيا:مبدئيا القلب اللى بيحس ويحب ده شيئ معنوى مش ملموس وده برده بالعلم يعنى مش موجود عند الحيوان اصلا فازاى هتقارنه بالانسان وبعدين بالمنطق الحب مش تصرف انسانى ولكن احساس داخلى بيشعر بيه الانسان وبيكون خارج عن ارادته وبرده بالمنطق ان اكتمال النمو العقلى للانسان بيكون بالخبره وده معناه ان الولد قبل سن21(زى العلم ما بيقول) لو عنده خبره كافيه يقدر يميز بين الحب الصادق والاعجاب وعلى فكرة يا استاذ مينا انت عندك 20سنه وقدرت تفسر الحب الصادق وتكون عندك شخصيه محترمه وراى له احترامه ولا ايه
اما بالنسبه لموضوع علم النفس فمع احترامى لكل علماء علم النفس بس كل الكتب الى اتكتبت فى الموضوع ده كانت فى عصر غير عصرنا والعلم اثبت خطأه فى مواضيع كتيرة وبعدين الكتب العلميه اللى انت بتتكلم عليها ديه كتبها شخص مثلى ومثلك ليه بتعتبر كلامه منزل ومقتنع بيه من غير ما تفكر فيه وتطبقه على الحياه
3:موضوع الايه اللى ذكرتها انا عارف كويس ان المسيح كان بيتكلم عن الحب بصفه عامه بس الحب العاطفى جزء لا ينفصل عن المححبه وعارف كويس اوى ان الكتاب المقدس لم يذكر اى ايه عن الحب العاطفى ولكن برده ربنا هو اللى خلقه ومتقدرش تنكر ده
اخر حاجه علشان انا عارف انى طولت اوى انت ليه شايف ان اى حب قبل 18 سنه يبقى حب شهوانيات ورغبه فى الجنس مع ان فيه مراهقين زى ما انت بتعتبرهم بيقدروا يحافظوا كويس على اللى بيحبوهم من غير اى افكار رديئه طبعا مع تدخل ربنا ويقدروا يرصلوا بحبهم الى النهايه المسيحيه الكنسيه الارثوذكسيه وهى سر الزيجه
ورجاء خاص خلى بالك من اخطاء الاملاء فى كتابتك

من طرف **ramy** الإثنين 26 أكتوبر 2009, 9:04 pm

ايه يا عم مينا انت فين ماسمعناش ردك علي ماريو ولا كده حسم الامر بصحة كلام ماريو وخطأ كلامك هل يوجد أحد للدخول في المنافسة
ويؤيد من ماريو ولا مينا وانت يا أستاذ باسم ماسمعناش صوتك يعني بعد الكلام ده

وانا من غير اي حزازية اقتنعت جدا بكلام أستاذ ماريو واسف ليك يا استاذ مينا انت وأستاذ باسم

من طرف **maro magdy** الأربعاء 20 يناير 2010, 1:23 pm

علي فكره انا مش بقتنع بالحب في سن المرهقه او اي ارتباط عاطفي يكون في سن صغير وانا من راي اني الارتباط الصح بديتهامن 20 مش قبل كده وكمان انا مش بحب الارتباط العاطفي من غير ارتباط رسمي

من طرف **ramy** الخميس 21 يناير 2010, 10:19 am

أوك يا مرمرمينا احنا ده رايك ولازم نحترمة بس برضو احنا بنتكلم ان ممكن الانسان يحب وهو اقل من كده بكتير الحب ما يحكمهوش زمن ولا سن

من طرف **جى كيه** الثلاثاء 02 فبراير 2010, 7:57 pm

مساااااااااء جميل عليكو
اولا *انا دخلت ع الموضوع لانو بجد جميل واجبرنى ع اجابتو
ثانيا*رد مينا جميل ومقنع جدا وع فكره ياماريو هو مش همو فى الاخطاء الكاتبيه ع كده ماهو عايز يوصلك رايئو وع فكره وانا قبلو بغلط ف الكتابيه
ومتهايالى اللى قدامى واللى بيقرا الموضوع كبيرعارف يخمن الكلمات والجمل
ثالثا* انا مش هشرح واقول كلام انا هسأل اسئله وعايزه اللى مقتنع بان فى حب تحت ال18 يجاوب عليهم:
1*الحب اللى تحت ال18 من سن كااام يعنى ؟؟؟؟؟؟؟؟؟؟؟؟؟؟
2*الحب وده اصلا لو كان حب يؤدى للجواز بس خلينى ماشيه معاك ده اخره ااااااااايه ؟؟؟؟؟؟؟؟؟
3*مش عايزين نضحك على بعض السن اللى بنكلم عليه سن مراهقه واعتقد الكل معايا فى الموضوع ده والسن ده طبيعى عايز يتعرف على طبيعه الجنس الاخر متجيش بقى تقولى ازاى حب شهوانى وسن المرهقه عندواحب استطلاع عايز يعرف كل حاجه؟؟؟؟؟؟؟
4*هتفضلو مع بعض لغايه الجامعه ؟؟؟؟؟؟؟؟؟
5*وبعد الجامعه لو كان ليك جيش هتفضلو؟؟؟؟؟؟؟؟
6*وبعد الجيش الشغل فيييييييين وهتصرفو منييييييييين؟؟؟؟؟؟؟؟؟
7*عايزاك تحسبلى السنين دى كلها وتقولى فضلتو مع بعض؟؟؟؟؟؟؟؟
8*فى الجامعه عالم تانى عالم مفتوح وكمان لو كان كليه سفر وبعاد عن بعض هتفضلو ووووو؟؟؟؟؟؟؟؟؟؟
9*مش تيجى تقنعنى اوتقلى ان مفيش حد اتعرف على العالم التانى اذا كان بنات من ناحيتك وولاد من ناحيتها؟؟؟؟؟؟؟؟
10*ولو اتعرفنا على العالم التانى مش هحب غيرها ومتجيش تقلى احنا بنحب بعض وواخدين عهد على بعض اننا هنفضل نحب بعض لغايه مانخلص؟؟؟؟؟؟؟

*********** جاوبلو ع الاسئله وادونى اجابات وانا بعد كده هرد على الاسئله
واسمحلى بعد ماتجاوب على اسئلتى اعلق على كلامك
ميرسى بجد السؤال شيقه وعجبنى
ميرسى كتير انكو استحملتونى وربنا معاكو

اسمحولى اضيف رد فى الموضوع يا جماعة
انا شايفة ان قليل الى بيلاقو الحب الحقيقى سواء كان السن كبير او صغير وكمان مع احترامى للجميع فيكم ناس معظم كلامهم صح وانا مع كلام الشاعر الكبير الاستاذ اللمبى
حب اة الى انت جاى تقول علية

من طرف **ramy** الجمعة 19 فبراير 2010, 10:24 pm

ههههههههههههههه
ميرسي ليكي يا نيرمن علي مشاركتك الرائعه و انتي فعلا عندك حق
بقي الحب عملة صعبة اليومين دول

حب اية بس بلة لعب عيال هههههههههههههههههه
لقة بجد انا مع راى رامى وماريو وريم
الحب فى اى وقت حتى لو تحت سن 18 بس يكون حب حقيقى وكمان الحب دلوقتى مالوش سن
وبعدين فى اية اكتر من حب المسيح لتربح الملكوت

من طرف **ramy** الجمعة 19 فبراير 2010, 10:49 pm

الله يباركلك يا نيرمين ربنا يخليكي لينا كده مؤيدينا زادو واحد هييييييييييييه

من طرف MaAoo الخميس 25 فبراير 2010, 1:25 am

اولا اسف جدا انى اتاخرت على الرد بس بجد غصب عنى
مبدئيا يا جى كيه موضوع الغلطات الكتابيه ده هزار بينى وبين مينا خارج نطاق الموضوع
اما رد اسئلتك فرايى
1:-انا ماحدتش العمر بل بالعكس انا قلت ان الحب لا يرتبط بالسن يبقى ما تساليش عن السن بالتحديد اما المختلف ماعيا فى الراى يجاوبك وانا برده ما اقصدش انا يكون فى سن 7 سنيين
2:-طبعا يؤدى للزواج والا مايكنش حب وانا ما اقصدش لعب العيال
3:-اما موضوع سن المراهقه فعلميا المراهق هو قليل التجارب وقليل الخبره فى هذا السن او غيره يعنى لو ولد اصغر من 18 سنه لكن عنده خبرات وتجارب يبقى يقدر يحب حب بجد وعلى فكره ده موجود فعلا وبشكل كبير ودول ناس مش كل همهم الميل للجنس الاخر
4:-اما موضوع هنفضل مع بعض لغايه امتى فايه المانع اننا نكمل لغايه الجواز لغايه الجامعه لبعد الجامعه لاخر العمر كمان
5:-وعلى فكره كل ولد ممكن يشتغل وهو بيدرس من قبل ال18 كمان وكده يبقى مشكله الفلوس والشغل محلولين وعلى فكره انا بدرس فى الجامعه وبشتغل من قبل ما تم 18سنه فاكيد مش محتاجه ااكدلك ان ده موجود فعلا ومش مستحيل
6:-وبعدين ايه المشكله انهم يتعرفوا على العالم التانى ويفضلوا مع بعض طيب ده دلوقتى العيال الصغيرين فى الحضانه بيرتبطوا يبقى عالم ايه اللى لسه هايعرفوا وعلى فكره ده مابيغرش فى المشاعر الحقيقه حاجه
ويارب كل الناس تحب وتتحب قبل ال18 بعد ال50 مش فارقه المهم ان كلهم يبقوا مبسوطين وبس سلااااااااااااااااااااااااااااااااااام

هل يوجد حب حقيقي تحت سن ال18 سنة

هل يوجد حب حقيقي تحت سن ال18 سنة

رد: هل يوجد حب حقيقي تحت سن ال18 سنة

رد: هل يوجد حب حقيقي تحت سن ال18 سنة

رد: هل يوجد حب حقيقي تحت سن ال18 سنة

رد: هل يوجد حب حقيقي تحت سن ال18 سنة

سؤال محيرك

رد: هل يوجد حب حقيقي تحت سن ال18 سنة

سؤال محيرك

رد: هل يوجد حب حقيقي تحت سن ال18 سنة

قليل

رد: هل يوجد حب حقيقي تحت سن ال18 سنة

رد: هل يوجد حب حقيقي تحت سن ال18 سنة

رد: هل يوجد حب حقيقي تحت سن ال18 سنة

الاختلاف فى الراى لا يفسد للود قضيه

رد: هل يوجد حب حقيقي تحت سن ال18 سنة

باكثر موضوعيه الى مينا وديع

رد: هل يوجد حب حقيقي تحت سن ال18 سنة

رد: هل يوجد حب حقيقي تحت سن ال18 سنة

رد: هل يوجد حب حقيقي تحت سن ال18 سنة

رد: هل يوجد حب حقيقي تحت سن ال18 سنة

رد: هل يوجد حب حقيقي تحت سن ال18 سنة

رد: هل يوجد حب حقيقي تحت سن ال18 سنة

رد: هل يوجد حب حقيقي تحت سن ال18 سنة

رد: هل يوجد حب حقيقي تحت سن ال18 سنة

رد: هل يوجد حب حقيقي تحت سن ال18 سنة